Malampusong napahigayon ang Linggo Ng Kabataan Zamboanga del Norte Culmination Program, nga gipahigayon niadtong Agosto 31,2024, Sabado, didto sa Zamboanga del Norte Convention Center Estaka, ning dakbayan sa Dipolog.
Ang maong kalihokan gisugdan sa usa ka Civic Parade gikan sa ZDN Capitol Plaza nga gisalmotan sa mga Sangguniang Kabataan federation officials nga gikan sa nagkadaiyang munisipalidad ning lalawigan sa Zamboanga del Norte, 37 ka mga LGU’s ug mga Youth Organizations.
Pormal nga gisugdan ang programa pinaagi ni Hon. Leander James Q. Dangcalan, President, Provincial Youth Development Council Ex-Officio Member, Sangguniang Kabataan Federation of Zamboanga del Norte sa iyang Welcome Remarks ug gisundan kini sa usa ka mahinungdanong mensahe gikan ni Dapitan City Mayor Seth Frederick “Bullet” Jalosjos isip Region 9 Representative, League of Cities in the Philippines, diin gihatagan niyag gibug-aton ang mahinungdanong papel sa mga kabatan-unan sa komunidad.
Kini nga programa gi supportahan usab sa Provincial Administrator, Provincial Government of Zambonga del Norte nga Mr. Wilberth G. Magallanes, JD ug sa Gobernador ning lalawigan sa Zambonga del Norte nga si Rosalina “Nanay Nene” Jalosjos.
Ang programa naghisgot sa “ASEAN Digital Literacy” pinaagi ni Ms. Lenie A. Castañeda gikan sa Office of the Provincial Administrator Provincial Government of Zambonga del Norte, nga nihatag ug diskusyon kabahin sa saktong pag gamit sa social media ilabi na sa pagpakatap ug mga impormasyon.
Sa laing bahin si Mr. Charles Anthony C. Rotoni, Head Provincial Youth Development Unit Office sa Governor Provincial Government of Zamboanga del Norte, nag abli usab sa diskusyon kabahin sa “Responsible Digital Diplomacy” nga nagpunting sa mahinungdanong pagsunod sa mga pulisiya sa social media ug sa implementar niini isip usa ka himan sa pakig komunikar pinaagi sa social media.
Sa samang higayon isip kabahin sa programa, aduna usab gipahigayon nga Literary Competition sama sa Essay Writing Competition, Yell and Chant Competition ug Larong Lahi.
Si Mr. Charles Anthony C. Rotoni nibutyag nga ang tumong niining kalihokan mao ang pagpauswag sa socio-cultural,diin kini nagsunod sa adbokasiya sa pederasyon sa Sangguniang Kabataan mao ang mabuhi gihapon ang mga makalingaw nga dula sa una nga makahatag gihapon ug kalingawan sa karon nga henerasyon.
Usa kini ka pag obserbar ug pagpadayon sa pag align sa mga kabatan-unan sa Digital Literacy labi sa paghatag ug impormasyon tungod kay ang mga kabataan ang naugnang tinubdan sa pagpakatap sa mga impormasyon pinaagi sa online ug aron mapakgang ug malikayan ang karong nga mga peke nga balita sa social media. (Medalyn U. Borja)