Ipatigayon sa dakbayan sa Dapitan ang usa ka mahinundanong kalihokan nga mao ang “Kasalan ng Bayan” diin 30 ka mga pares sa magti-ayon ang mamahimong mosalmot niini, aron mapalig-on ug mahimong legal ang ilang kaminyu-on pinaagi sa nasangpit nga “Kasalang Bayan”.
Ang maong kalihokan usa ka inisyatiba sa Mayor sa dakbayan sa Dapitan nga si City Mayor Seth Frederick “Bullet” P. Jalosjos inabagan sa City Administrator sa Dapitan, Atty. Amalou Tumapon-Monroyo kinsa mao ang muhatag ug kahigayunan alang sa engrandeng seremonya sa kasal sa matang sa magtiayon nga pagahimuon sa St. James the Greater Parish nga gikatakda karong umaabot Pebrero 13 2024.
Tumong sa maong kalihokan sa kagamhanang lokal sa Dapitan, mao ang pag pahinungod ug pag-ila sa sakramento sa kasal.
Dugang pa ang naasoy nga “Kasalan ng Bayan” usa ka dili ordinaryo nga kasal niining tuiga ug gihatagan kinig espesyal nga pagtagad nunot sa magti-ayon nga aduna nay natukod nga pamilya ug pipila na ka tuig nag-ipon.
Si Dapitan City Mayor Jalosjos mipaambit sa iyang mensahe nga nagkanayon, nga ang maong kalihokan dili lang kabahin sa kasal, kundili kabahin usab kini sa pagpamuhunan sa umaabot nga kaugmaon sa pamilya.
Dugang pa sa usa ka mahinungdanon nga premarital counselling nga nagtumong, “Pinaagi sa paghatag kanila ug giya nga ilang gikinahanglan, nanghinaut kami nga sila magbatun ug gahum sa pagtukod og malipayon nga kinabuhi nga magkauban.”
Ang Amphitheatre sa City Government Center, nagpahigayon ug usa ka komprehensibo nga Pre-Cana Seminar niadtong Enero 9, 2024 nga gi salmotan sa mga pares sa mag tiayon diin adunay mga eksperyensadong mga magtatambag sa kaminyuon.
Gawas niini ang kagamhanan sa dakbayan sa Dapitan, gihimo ang tanang matang sa lakang aron masigurong mahimong espesyal ang ilang masinati sa mga magti-ayon atol sa ilang kasal.
30 ka mga pares sa magti-ayon ang mapili sa usa ka mala fairytale ug dili gayod mahikalimtan sa kahangturan ug engrande nga klase sa kasal.
Nunot sa strekto nga proseso sa pagpili, ang 30 ka pares sa magti-ayon makahi-agom aning mga musunod:
• Libre nga pagproseso sa mga dokumento sa kasal: Dili kinahanglan nga magsuroy-suroy sa pagkuha sa papeles kay ang City Civil Registrar’s Office ang nag-atiman niini.
• Makasilaw nga mga aksesorya sa kasal: Ang naggilakgilak nga mga singsing sa kasal, tradisyonal nga arras, ug matahum nga mga bulak makadugang usa ka paghikap sa salamangka sa seremonya.
• Mga handumanan nga molungtad sa tibuok kinabuhi: Ang mga imbitasyon, souvenir program, ug propesyonal nga litrato ug video coverage, lakip ang prenuptial shoot ug same-day-edit nga video, mokuha sa matag bililhong higayon.
• Usa ka kombira alang sa pagsaulog sa kasal: Ang matag magtiayon makatagamtam sa usa ka lamian nga indibidwal nga cake sa kasal ug bino, ug usa ka selebrasyon ang naghulat kanila ug sa ilang labing suod nga pamilya ug mga higala.
• Engrandeng pag-abot sa simbahan: Usa ka bridal car ang muhatod sa pangasaw-onon.
Usa kini ka makahinungdanon nga lakang nga maghatag ug kasiguradohan isip kasangkapan alang sa mga magti-ayon ,ug tumong niini nga mag bukas ug kahibalo nga magsilbi kining himan ug kasangkapan nga kinahanglan alang sa di matarog nga pundasyon sa kaminyuon sa magti-ayon.
(Medalyn U. Borja)
(Source: City Government of Dapitan)