Gipalig-on sa Local Government Unit (LGU) sa Gutalac, ubos sa pagpanguna ni Municipal Mayor Eddie Justin T. Quimbo, ang pakigtambayayong sa Philippine National Police Regional Office IX pinaagi sa courtesy visit ngadto sa bag-ong na-instalar nga Regional Director nga si PBGEN Elmer E. Ragay niadtong Septiyembre 2, 2026.
Gipadayag sa duha ka partido ang ilang pagpasalamat sa lig-on ug padayong kooperasyon tali sa LGU Gutalac ug PNP, ilabina sa mga programa ug inisyatibo alang sa kalinaw ug kahapsay sa komunidad.
Gipasalamatan sa PNP Regional Office IX ang LGU Gutalac sa makanunayon nga suporta niini sa kapulisan ug sa ilang mga inisyatibo alang sa peace and order. Gipahayag usab ni Mayor Quimbo ang iyang pagpasalamat sa PNP tungod sa padayong suporta, commitment, ug serbisyo niini sa pagmintinar sa kalinaw ug kahapsay.
Padayon nga gipalig-on sa LGU Gutalac ug PNP ang ilang koordinasyon ug panagtambayayong aron masiguro ang kaluwasan ug kaayohan sa mga Gutalacnon.(JENIFFER JR. DELICA)
Source: LGU Gutalac- Public Information