Gisugdan na sa lokal nga kagamhanan sa Dipolog ang gipaabot nga kalihukan sa mga manlalumba nga “Dipolog Marathon” kagahapon, Oktubre 19, 2025, sa D’Food Hub Park, Sunset Boulevard, subay sa kasaulogan sa 20th Dahunog sa Dipolog.
Ang maong tigi sa dagan gibahin sa upat ka kategorya: 42km, 21km, 10km, og 5km. Gilangkuban kini og pipila ka mga partisipante, dili lang gikan sa dakbayan, apan lakip usab ang mga managanay gikan sa nagkalain-laing bahin sa Mindanao.
Isip kinaunhang Marathon sa dakbayan, daghan sa mga partisipante ang naghatag og taas nga panahon nga pagpangandam arun makalahutay sa maong dagan.
“We train for 18 weeks — rain or shine—proper sleep, proper eat, and 2 days before the race, we do carbo loading, ” matod pa ni Jazper Magsanay, usa ka partisipante para sa 42km.
Iyaa usab gihingusgan nga kani nga lumba usa ka “battle of endurance” maong kinahanglan mag-enjoy og ipagawas ang gibati.
Gilauman usab sa lokal nga kagamhanan, organizers, og sa tanang nagpaluyo niining kalihukan nga lingaw, hapsay, og layu sa disgrasya ang mao nga marathon.
Photos and news by: Jeniffer Jr. Delica