Nagkahiusa ang Katipunan Municipal Police Station (MPS) ug ang Local Government Unit (LGU) sa Katipunan alang sa 3rd Fun Shoot nga gihimo sa JRMSU-Katipunan Firing Range sa Barangay Dos.
Ubos sa pagdumala ni PCPT Rommel John B. Sabas, Officer-in-Charge sa Katipunan MPS, ang maong kalihokan nahimong oportunidad sa pagpalig-on sa camaraderie, sportsmanship, disiplina ug teamwork tali sa mga partisipante.
Niapil usab sa kalihokan ang LGU-Katipunan ubos sa pagpangulo ni Municipal Mayor Hon. Jose Michael Meiko A. Wong, isip kabahin sa ilang pakigtambayayong sa kapulisan alang sa kaluwasan ug kaayohan sa komunidad.
Gihatagan usab og gibug-aton sa maong kalihokan ang kamahinungdanon sa responsable ug husto nga pagdumala sa armas, samtang gipalambo ang maayong relasyon ug kooperasyon tali sa kapulisan ug lokal nga panggamhanan.
Ang kalihokan nakatampo sa dugang pagpalig-on sa partnership tali sa Katipunan MPS ug LGU-Katipunan, ilabina sa ilang hiniusang paningkamot alang sa public safety.(IKEN B. GULLEM)
Source:Katipunan Municipal Police Station ZNPPO