Gipadali sa Zamboanga del Norte 2nd Provincial Mobile Force Company (PMFC), pinaagi sa R-PSB Team, ang proseso sa pag-aplikar sa poultry training aron matabangan ang lokal nga mga mag-uuma nga makabaton og dugang panginabuhian.
Sa koordinasyon nga miting nga gipangulohan ni PLTCOL Edwin D. Verzon, Force Commander, uban kang Jeward M. Dagogdog sa Philippine Coconut Authority (PCA) Satellite Office sa Liloy, gisentro ang panaghisgot sa pag-facilitate sa training para sa COCOB Alsa Masa Farmers Association diin usa ka grupo sa mga coconut farmers sa maong lugar.
Tumong sa maong lakang ang paghatag og alternatibong kita pinaagi sa poultry farming, isip dugang sa ilang kasamtangang panginabuhian sa pagpananom og lubi. Gilauman nga pinaagi sa training, mapalambo ang kahibalo ug kapasidad sa mga miyembro sa asosasyon sa pagdumala sa manukan.
Gihisgutan usab sa miting ang proseso sa paghangyo og coconut planting materials aron mas mapalig-on pa ang produksyon sa lubi ug masiguro ang padayon nga sustainability sa agrikultura sa komunidad.(IKEN B. GULLEM)
Source: Zamboanga del Norte 2nd PMFC