Taliwala sa pagbunok sa makusog nga ulan niadtong adlawng Miyerkules, Nobyembre 7, 2023, mikita pa gihapon ug 94,272 pesos ang 3-ka adlawng ZNag Kadiwa ng Pangulo nga gipahigayon sa Capitol Grounds, Barangay Estaka ning Dakbayan sa Dipolog.
Sumala pa ni Ms. Judy Asister Gondula, Marketing Technician sa Office of the Provincial Agriculturist, miabot sa 3,154 ka kilong mga prutas, utanon ug lagutmon gikan sa nagkalain-laing kahugpungan sa mga mag-uuma nga benepisyaryo sa Zamboanga del Norte Agricultural Extension Program kon ZNag, ingon man mga Small and Medium Enterprises nga benepisyaryo sa mga programa sa DOLE, DTI, ug PSWDO.
Atol, usab sa maong Kadiwa ng Pangulo, napahimuslan sa katawhan ang baratong bugas-humay gikan sa National Food Authority, diin ang matag-usa nakapalit og tag unom ka kilo sa tag 25 pesos lamang matag kilo.
Ang mga produkto sa kaumahan gilangkuban sa ampalaya, atsal, Chinese pechay, mais-puti, sweetcorn, corn-purple, pipino, talong, kamatis, balatong, kalabasa, sili, sayote, sibuyas dahonan, ug lanzones (longkong ug native), ug ohong.
Kini nagagikan sa mga ZNag farmers and vegetable associations sa lungsod sa Polanco, Mutia, Roxas, Jose Dalman, Liloy, Salug, Tampilisan ug Sergio Osmeña, Zamboanga del Norte.Â
(Source: Provincial Government of Zamboanga del Norte Facebook page)