Pormal ng gibuksan ang pagpahigayon sa Ika-15th Government Agency Sportsfest nga gipahigayon didto sa Dipolog City Sport and Events Center, Barangay Olingan, ning dakbayan sa Dipolog nga mulungtad sa 3 ka adlaw ug gisugdan sa Septiyembre 17 hangtod 20 ning kasamtangang tuig.
Ang buhatan sa Civil Service Commission (CSC) ang nanguna sa maong programa dungan sa pag saulog sa ika-124 nga Anibersaryo sa Philippine Civil Service,pinaagi sa pagpangulo ni Atty.Jerry N. Mayormita isip Provincial Director sa CSC Zamboanga del Norte ug sa pakigtambayayong ni Atty.Robert I. Poculan III isip INC President sa buhatan sa Zamboanga Del Norte Federation of Government Employees’ Union (ZNFGEU).
Ang mga misalmot sa maong kalihukan ang gilangkuban sa traynta’y uno (31) ka mga delegado gikan mga pribado ug publikong buhatan ug ahensya sulod ning lalawigan.
Ang Mayor ning dakbayan sa Dipolog nga Mayor Darel Dexter T. Uy, kauban sila si City Vice Mayor, Senen O. Angeles, City Councilors, Municipal Mayors, General Managers, Superintendents ang malipayon nga mi-welcome ngadto sa tanang dinapit nga mga delegado, mga opisyales ug heads sa Lokal nga kagamhanan nga misaksi sa paugnat sa kusog tali sa nagkadaiyang ahensya sa goberno ning probinsya sa Zamboanga del Norte, diin 31 ka mga delegado ang nisalmot gikan sa pribado ug pang publikong buhatan ug ahensya.
Gipahigayon usab ang usa ka “Lighting of the Urn” ug Turn-over sa ZNFGEU INC, Banner ,pinaagi ni Mayor Rosendo S. Labadlabad sa Munisipalidad sa Sindangan diin si Mayor Uy ang ni presentar isip host sa maong kalihokan diin usa usab ka Saludo Competition ug Dance Sports Competition ang dungan nga gipatigayon.(Medalyn U. Borja)
Source: Dipolog City Government