Isip pagyukbo sa Labaw’ng Makagagahum gipahigayon Disyembre 7 ning tuiga, ang “Halad Pasalamat 2023” sa dakbayan sa Dipolog.
Ubos sa tema nga “Karon ang Oras sa Paghalad og Pagpasalamat sa atong Ginoong Hesu Kristo Pinaagi sa Pagsimba Kaniya sa Espiritu ug Kamatuoran”-Juan 4:23, ang nasangpit nga kalihukan ang gisugdan sa usa ka parada gikan sa dalan Rizal padulong na ngadto sa Dipolog Boulevard diin didto gipahigayon ang programa.
Pormal nga gibuksan ang “Halad” sa “Blowing of Shofar” pinaagi sa mga pinili nga miyembro sa nagkalain-laing simbahan ug gisundan kini sa “Ecumenical Prayer” sa 3 ka mga tribo nga nanimuyo dinhi sa lokalidad nga mao ang Muslim, Subanen ug Kristiyano.
Tipik usab ning maong kalihukan mao ang pagpabati nila ni Mayor Darel Dexter T. Uy ug kanhi ZN-Provincial Governor Roberto Y. Uy sa ilang mga mensahe samtang gisunod dayon ang unang hugna sa “Prayers of Thanksgiving” gikan sa mga sektor sa Government, Law and Order, Economy and Business, Education ug Agriculture. Ang ikaduhang hugna niini mao na usab ang mga sektor sa Health and Social Services, Family ug Environment.
Gipahigayon usab ang Torch and Candle Lightning, Prayer and Declaration ug Mass Singing sa kantang “Heal Our Land” ug “The Philippines is for Christ” diin human niini gihimo ang fireworks display samtang kini gitapos kini sa usa ka Victory Praise and Worship.
Ang “Halad Pasalamat 2023” ang gitambongan sa bagang duot sa katawhan nga bisan pa man sa pagpanaligsik nianang sayong hapon, apan wala kini nakapugong aron mahimong magmalampuson ang pagpahigayon niini tungod kay kini usa ka kalihukan nga tuyong gihimo aron sa pagpasalamat sa kahitas-an tungod sa mga grasyang gibubo Niya sa atong dakbayan ug sa lalawigan.
(Source: Dipolog City Government Facebook page)