Ania na karon Zamboanga del Norte ang mga ahente sa Federal Bureau of Investigation (FBI) sa Estados Unidos aron imbestigahan ang matud pang pag-kidnap sa usa ka American national nga gireport nga gikuha sa mga armadong lalaki sa miaging semana.
Ang mga ahente sa FBI sa gobyerno mitabang sa pagresponde sa munisipyo sa Sibuco aron motabang sa pagpangita sa nawala nga American vlogger nga si Elliot Eastman diin naminyo sa Pinay nga na nanimuyo ra usab sa lungsod sa Sibuco ZN sa miaging lima ka bulan.
Matud pa ni Helen Galvez, information officer sa Police Regional Office 9 (PRO-9 ZAMBOANGA CITY). Saysay pa sa mga saksi mitug-an sa kapulisan nga ilang nakita nga upat ka armadong lalaki ang midala kang Eastman, ning pagbalita karon wala pa gibutyag kung kinsa gayud ang responsabling grupo nga nagpaluyo niining pagpangkidnap sa nahisgutang langyaw.
Matud pa sa Armed Forces of the Philippines kaniadtong Lunes, nga andam silang motabang sa Philippine National Police sa pagpangita sa nawala nga American National, apil na ang pagpahigayon sa tracking ug pursuit operations niini para sa tinguha nga mapadali ang pag-rescue sa maong langyaw.
Ang maong incidente sa bag o palang nga report sa kapulisan nasayran nga ang upat ka armadong mga tawo, nagtakoban isip mga opisyal sa tinugyanan sa balaod, nga pugsanon nga midala ni Eastman, ug gipusil sa tiil atol sa hitabong kidnapping. (Angelica T. Obina)
(Source: ZNPPO)