Mitubag ang Salug EMS personnel sa usa ka emergency medical call sa Barangay Bacong, Salug, Zamboanga del Norte niadtong nilabay nga adlaw, diin ilang gitabangan ang usa ka estudyante nga mireklamo og kalisod sa pagginhawa.
Pag-abot sa responders, nakit-an ang pasyente nga naglingkod sa higdaanan, nahibalo ug makatubag, samtang gibantayan ang iyang pagginhawa ug vital signs. Gisusi usab ang iyang kahimtang ug gipahimutang sa komportableng posisyon samtang gihatagan og hustong pag-atiman.
Human sa assessment, gidala ang pasyente pinaagi sa MDRRMO Rescue Vehicle ngadto sa Liloy Integrated Health District Hospital alang sa dugang nga medical evaluation ug pag-atiman.
Pag-abot sa ospital, hapsay nga giturn-over ang pasyente ngadto sa medical staff nga nag-duty alang sa dugang nga pag-atiman. Padayon ang Salug EMS sa paghatag og dali ug responsive nga emergency medical assistance sa komunidad.(JENIFFER JR. DELICA)
Source: Salug Bfp