Gilunsad sa Dipolog City Fire Station ang E-Compliance Kiosk kagahapon, Disyembre 1, 2025, ubos sa liderato ni Fire Senior Inspector Aprilyn B. Barbasso, uban ang suporta ni Fire Superintendent Richard C. Tiomosa, DSC. Bisan pa man sa kusog nga ulan, nagpadayon ang kalihokan uban ang lig-on nga partisipasyon sa mga personahe.
Giabrihan pinaagi sa ribbon cutting ang E-Compliance Kiosk nga naglatid sa digital nga pagproseso sa mga kinahanglanon aron mas sayon, paspas ug klaro ang serbisyo sa publiko. Gipasiugda usab ang kampanya batok Violence Against Women and Children pinaagi sa TI&E segment isip suporta sa 18-Day Campaign to End VAWC.
Nagpasalamat usab ang Dipolog City Fire Station sa Provincial Office sa ilang suporta sa pagpatukod sa inisyatiba, nga usa ka dakong lakang padulong sa mas paspas, klaro, og masaligan nga serbisyo publiko.(JENIFFER JR. DELICA)
Source: BFP R9 Dipolog City Fire Station