Nakakuha og 3rd place ang Department of Agrarian Reform o DAR Zamboanga del Norte sa Pinoy Henyo competition atol sa 17th Inter-Government Agency Sportsfest o IGAS sa Dapitan City, isip kabahin sa selebrasyon sa Civil Service Anniversary.
Nahuman sa DAR team ang Pinoy Henyo challenge sulod lang sa 20 segundos batok sa ilang kontra. Nakakuha usab og kadaugan ang team batok sa Dapitan City Water District atol sa elimination round sa Mobile Legends: Bang Bang tournament.
Misalmot usab ang DAR personnel sa 100-meter Women’s Individual Sprint, Chess, Dama, Badminton, Dart Tournament, Table Tennis, Pickleball ug Billiards. Sa chess, nakakuha ang DAR og 11th place sa Women’s Division ug 14th place sa Men’s Division.
Sa kinatibuk-an, nahimutang ang DAR Zamboanga del Norte sa 26th overall sa maong sportsfest. Gawas sa mga resulta sa kompetisyon, nahimong higayon usab kini alang sa mga empleyado nga mapalig-on ang teamwork, sportsmanship ug panag-uban isip mga public servant.(JENIFFER JR. DELICA)
Source: DAR Zamboanga del Norte