Miabot sa kapin 70 ka mga partisipante gikan PENRO ug CENRO ang nisalmot sa gipahigayon nga Bamboo Planting Activity sa buhatan sa Provincial Environment and Natural Resources Office (PENRO) Zamboanga del Norte, sa pakigtambayayong sa Community Environment and Natural Resources Office (CENRO) Manukan ug Barangay San Vicente didto sa San Vicente, Katipunan, Zamboanga del Norte, niadtong Septiyembre 18 ning tuig.
Ang maong kalihokan subay sa pagsaulog sa “World Bamboo Day” ubos sa Presidential Proclamation No. 1401, nga nagtakda nga ang buwan sa Septiyembre gi-isip nga Bamboo Month nga nagsubay sa temang: “Buhay Kawayan: Haligi ng Industriya’t Kalikasan, Pag-asa sa Kinabukasan.”
Sa maong aktibidad, 235 ka mga higanteng kawayan (𝘋𝘦𝘯𝘥𝘳𝘰𝘤𝘢𝘭𝘢𝘮𝘶𝘴 𝘢𝘴𝘱𝘱𝘴𝘴𝘴𝘢) ang malampusong natanom gikan sa nasangpit nga Barangay.
Gitambungan kining aktibidad nila ni OIC PENR Officer Cidur S. Julsadjiri ug ni Manukan OIC CENR Officer Eugene S. Celi, kinsa nihatag ug suporta pinaagi sa ilang mga paningkamot alang sa kaayohan sa komunidad ug kinaiyahan.
Nagplano nga maghimo ug dugang nga mga kalihokan sa pagpananom og kahoy sa umaabot nga mga bulan, pagpalig-on sa ilang pasalig sa usa ka malungtarong kaugmaon ning probinsya sa Zamboanga del Norte. (Medalyn U. Borja)
(Source: DENR Zamboanga Peninsula)