Balhog sa selda ang 59-anyos nga babaye diin nadakpan kini sa gipahigayon nga drug buy-bust operation sa Purok Clark 2, Barangay Poblacion sa lungsod sa Jose Dalman karong bag-o pa lamang.
Nailhan ang suspek nga si alyas Myrna, usa ka balo,nanimuyo sa Barangay Poblacion sa nahisgutan nga lungsod.
Nadakpan ang maong suspetsado sa hiniusang operasyon sa mga kapolisan sa Jose Dalman MPS sa pakigkoordinasyon sa PDEA Zamboanga Del Norte sa dihang napalitan kini sa poseur buyer ug usa ka pakete sa gituhuang shabu.
Nakompiska sa posisyon sa suspek ang unom ka pakete sa gituohang shabu nga mubalor og ₱6,800.00, cellphone, buy-bust money, ingon man mga drug paraphernalia.
Ang dinakpan anaa na karon sa selda sa Jose Dalman MPS samtang gapaabot sa kaso nga ipahamtang kaniya alang sa tukmang disposasyon. (Angelica T. Obina)
(Source: ZNPPO)