Sikop sa gikasa nga buy-bust operation sa mga personahe sa kapulisan ang usa ka 51 anyos nga Lalaki, kinsa nagpayuhot ug ilegal nga drugas didto sa Purok Ramon Magsaysay, Brgy. Miputak, ning dakbayan sa Dipolog, mga 11:22 ang takna sa kagabhion niadtong October 11,2024.
Nasikop kini pinaagi sa mga personahe sa Dipolog CPS (SDET) pinangulohan sa Dipolog CPS (Lead Unit) uban sa RDEU 9, ZNPDEU ug 1st ZNPFC.
Nasakmit atol sa operasyon gikan sa possession ug control sa suspek mao ang usa ka piraso sa small sized heat-sealed transparent plastic sachet nga gituohang “shabu” isip ebidensya, Usa ka piraso sa 1,000 peso bill nga buy bust money, Usa ka Sling Bag nga kolor blue, Usa ka open transparent plastic sachet nga gisudlan sa shabu, Usa ka unit sa cellphone Infinix Brand color yellow nga adunay black casing,
Cash Money nga nagkantidad og P440. 00 ug Usa ka pitaka nga color Blue.
Ang narekober nga ebidensiya sa drugas gibana-bana nga motimbang sa 1.5 grams ug adunay standard drug price nga mobalor sa P10,200 gi turn over dayun kini sa ZDN Provincial Forensic Unit para sa eksaminasyon.
Samtang ang dinakpan anaa na naka kustodiya sa Dipolog CPS alang sa tukmang disposasyon. (Medalyn U. Borja)
(Source: Dipolog CPS)