Sikop ang usa ka 50 anyos nga suspetsado diin nakuhaan kini ug drogang shabu nga mobalor ug 400,000.00 ka pesos kaniadtong, Oktobre 11, 2024, sa may alas 11:34 sa kabuntagon,didto sa iyang panimalay sa Anahaw Galas, Dakbayan sa Dipolog City, Probinsya sa Zamboanga de Norte.
Nasikop ang nahisgutang nga suspetsado sa gipahigayon nga Joint Anti-illegal Drugs Buy-Bust operation, nga gipanguluhuhan sa mga kapolisan sa Dipolog City PNP, diin ang maong operasyon didto mismo gilusad sa panimalay sa maong indibidwal.
Kahibaloan nga nakuhaan ang dinakpan ug 9 ka gagmayng naka Heatsealed Transparent Plastic Sachets ug lain pang 1 ka dako nga plastic sachets diin parehong gituohang Shabu, nga adunay Standard Drug Price 408,000.00.
Ang maong mga nakompiska gi turn over na sa buhatan sa ZN Drug Forensic unit alang na sa tukmang disposasyon. Ug ang suspetsadong dinakpan ang kasamtangang anaa na sa kustodiya sa Dipolog City police station diin mag atubang na sa kasong paglapas sa RA 9165 kun comprehensive dangerous drug act of 2002.
Ug matud pa sa dugang pahayag ni PBGEN Bowenn Joey M. Masauding, Regional Director sa PRO-9, gahatag ug pahimangno sa publiko nga makighiusa ug magbinantayon sa kalihokan sa illegal nga Droga sa Probinsiya sa Zamboanga del Norte. (Angelica T. Obina)
(Source: ZNPPO)