Dakpan sa kapulisan ang upat ka indibidwal atol sa usa ka law enforcement operation batok sa ilegal nga sugal didto sa Purok 6, Barangay Sanao, Katipunan, Zamboanga del Norte, kaniadtong Septiyembre 4,2026.
Ang maong mga indibidwal nadakpan pinaagi sa Katipunan Municipal Police Station (MPS) isip kabahin sa ilang padayong kampanya batok sa mga kalihokan nga supak sa balaod tungod sa giingong aktibong paglambigit sa ilegal nga pagpusta sa sugal nga lokal nga nailhan isip “Piyat-Piyat.”
Kining malampusong operasyon nagpakita sa walay hunong nga dedikasyon sa atong mga personahe sa pagwagtang ilegal nga kalihokan ug pagpanalipod sa atong komunidad.(MEDALYN U. BORJA)
Source: Katipunan Municipal Police Station ZNPPO