Usa ka 38 anyos nga Lalaki ang gidunggab pasado alas 11 ang takna sa kagabhion niadtong Oktubre 13, 2024 didto sa Purok Mangga, Brgy. Olingan ning dakbayan Dipolog.
Ang biktima naila nga usa ka 38 anyos, lalaki, ulitawo ug residente sa Purok Mangga, Barangay Olingan, ning syudad sa Dipolog.
Samtang ang suspetsado usa ka 27 anyos,lalaki, ulitawo ug residente usab sa nasangpit nga Barangay.
Basi sa impormasyon sa kapulisan nakadawat kinig tawag gikan sa usa ka concerned citizen nagtaho nga adunay giingong insidente sa pagpanunggab ug dali kining girespondehan aron mapamatud-an ang maong insedente.
Nasayran nga 10:30 sa gabii sa samang petsa, ang biktima naglakaw paingon sa iyang pinuy-anan gikan sa party celebration sa iyang silingan apan mabudhion nga gidunggab sa suspek kinsa iya ra usab nga silingan sa walay igong rason, gamit ang bladed nga hinagiban ug naigo sa iyang tiyan, nga miresulta sa iyang pagkatumba.
Human niini, ang suspek daling midagan palayo sa biktima paingon sa iyang gipuy-an. Human niadto, misinggit ang biktima nga nangayo og tabang, dayon giluwas sa iyang mga silingan, kinsa nanawag og ambulansya ug gidala sa n tambalanan.
Narekober sa lugar sa insidente nga gibilin sa suspek ang iyang bladed nga armas nga scabbard kolor itom.
Matod pa nga nagkalalis biktima ug suspek sa suspek pipila na ka tuig ang nakalabay kalabot sa utang nga gituohang hinungdan sa pagpanunggab.
Diha-diha dayun nihimo ug Pursuit operation kapulisan aron posibleng pagkasikop sa suspek ug pagpasaka og kasong kriminal batok kaniya ngadto sa korte.
Samtang ang narekober nga scabbard gi-turn over sa investigation section alang sa ekhibisyon sa korte. (Medalyn U. Borja)
(Source: Dipolog CPS)