Malampusong nalusad ang 3 ka Modernized PUV ubos sa Public Transport Modernization Program” gikan sa buhatan sa Land Transportation Franchising and Regulatory Board (LTFRB), adlawng Huwebes,September 12, 2024 didto sa D’ Food Hub and Events Center, Dipolog Boulevard, Barangay Miputak ning dakbayan.
Gipangulohan ang maong kalihokan pinaagi sa mga personahe gikan sa LTFRB Regional Field Office 9 nga gipangunahan ni LTFRB Regional Director, Tommy M. Macadindang, JD. Lakip usab sa mitambong mao sila ni City Vice Mayor, Senen O. Angeles nga mirepresentar ni City Mayor Darel Dexter T. Uy, Ms. Augee Lopez-Velasco representante ni Gov. Rosalina Jalosjos ug Mr. Jose Darry C. Patilano, kinsa mi-representar ni Dapitan City Mayor Seth Federick Jalosjos, kinsa mipadayag sa ilang tagsa-tagsa ka mga mensahe isip pag pasalamat ngadto sa pamuno-an sa Evergood.
Usa ka pagtataw sa pagpadagan sa nahisgotang modernized nga mga vehicles, sa kagamhanan nga kabahin sa Jeepney Modernization Program.
Kahibaluan nga ang maong mga Jeepney adunay 3 ka units sa ”Modernized Public Utility Vehicles PUJ Class 3” gikan sa Evergood Transportation Services.
Si ETSC President Mr. George Ryan Lim ang nanguna sa maong korporasyon diin ang “Dipolog-Dapitan & vice versa ang magsilbing rota sa pagsugod sa pag operate niini nga adunay kapasidad nga 25 nga mamahimong malingkuran. (Medalyn U. Borja)
(Source: Dipolog City Government)