Atul sa ika-51 na Regular Session nan Sangguniang Panlalawigan Hunyo 29,2020 sa pagpanguyo ni Vice Governor Geed Gokiangkee, an Presiding Officer, sanan pinaagi sa pagduso ni Board Member Sonny Andanar, Chair sa Committee on Public Safety and Human Rights, napasar an isa ka ordinansa sa ikatuyo sanan pinal na pagbasa pinaagi isab sa pagboto nan tanan present na mga sakop nan Hunta Probinsial, an ordinansa nga nagmandar na kinahanglan mag presentar nan negative result sa Rapid Anti-Body Test o kaha RT-PCR Test an tanan dili kun Surigaonon na mosuyod sa Surigao Del Norte. An naasoy na ordinansa isa ka Extreme Urgent Request ni Gov. Francisco Lalo Matugas.
Nagpasupot isab na pamahayag si Board Member Cayetano Recabo na ipahibayo sanan ipasabot na dajon pagdajaw sa mga nagmando nan mga checkpoints sa borders nan probinsia kabahin sa ini na ordinansa.
Samtang nagpabati isab nan pamahayag si Board Member Melva Garcia na kun mamugos pagsuyod an dili kun Surigaonon, na wayay maipakita na negative result, kinahanglan ipa rapid test ini sanan ikwarantina nan 14 ka adlaw. (Jhino B. Parrucho, Ronda 10 RPN DXKS)
Â