Pagadian City – Atol sa nahitabong informal interview ngadto kay 1st dist. Cong. Yu, kagahapong adlawa, nahisgutan ang mga plano sa administrasyon alang sa pagpalambo sa syudad sa Pagadian.
Gipahayag sa kongresista nga prayoridad sa pangagamhanan karon ang pagpalambo sa ekonomiya pinaagi sa paghimo ug dalan aron maabrihan ang agianan sa mga mag uuma pasulod sa sentrong bahin ning syudad, pagpatulod ug city government hospital alang sa mga kabos ug panginabuhian sa katawhan..ug mahitabo lamang kini kung ugaling kauyon usab nila ang mahimong mayor sa umaabot nga termino.
Nasayran nga gikahinaman karon sa mga Pagadianon ang saad ni Mayor Co, ang kasamtangang amahan sa syudad ang pagpatukod ug dagkong Mall sa Pagadian sama sa Robinson’s Mall ug SM aron makadani ug investors ug makatabang sa employment rate sa katawhan diin ang pagtukod sa SM ug Robinsons ang gipaningkamotan ni Mayor Co ug posibling daghang pobre ang makatrabaho sa construction hangtod sa pag operate sa negosyo ug Nagatoo si Co nga kung daghang Negosyo, daghang Trabaho.
Apan dili uyon niini ang kongresista tungod kay matud pa niya, “dili ko pabor nga mag abri diretso ang Robinson’s ug SM, kung walay kwarta ang mga tawo. Kinsa may mupalit? Magsira ra gihapon nah.”
King maong pamahayag sa kongresista ang miani ug nagkalain laing reaksyon ug opinyon sa Pagadianon ug nag trending sa syudad karon.
Hugtanong gibarugan ni Cong. Yu nga Unahon gayud nila ug pagpalambo ang ekonomiya sa Probinsya.
Si Atty. Jiehan Bana karon ang gituboy sa partido ni Yu nga mudagan pagkamayor sa syudad sa Pagadian sa umaabot eleksyon apan, sa kasamtangan, wala pa kiniy pormal nga kandidatora.
(Photo courtesy of Victory Zamboanga del Sur)