Nagsasaruno dagiti nagannak a tugot da dagiti annnakda a nagturong iti barangay hall iti barangay gabu sur iti siyudad ti Laoag.
Ita ngamin nga aldaw, October 26 ti rugi ti panagbukuna kadagiti ubbing manipud kadagiti maladaga aginggana ti limapulo ket siyam a bulan ti edad na.
Paset daytoy ti programa ti Department of Health ken Laoag City Health Office a mabakunaan dagiti ubbing kontra ti measles novela ken polio.
Adda ngamin dagiti ubbing ti saan a nabakunaan gapu iti mapaspasaran a pandemya gubbuay ti Covid-19, isu a ti city health kern department of health ti agsursuren kadagiti barbarangay nga agpatingga inton November 25 iti daytoy a tawen.
Malaksid iti gabu sur, maiwaywayat pay ti panagbukana kadagiti barbarangay iti siyudad.
Kuna ni Maria Cristina Ancheta, nurse 3 ti City Health Office a nasurok 9,000 ti target da a bakunaan iti intero a siyudad ngem no ad-adu pay ti ubbing ti agpabakuna, akomodarenda amin dagitoy gapu ta adda pay ti reserba a bakuna.
Inpasiguradona iti pannakasurot ti health protocols bayat iti panagsursurorda kadagiti barbarangay.
Para iti ad-adu pay nga impormasyon kunana, makikoordinar laeng kadagiti opisyal ti barangay wenno dagiti barangay health workers.
Ti benneg ti salun-at ti maysa kadagiti prayoridad a programa iti adminsitrasyon ni Mayor Michael Marcos keon.
Kalikagumanna iti pannakaited ti naan-anay nga atensyon medikal kadagiti umili kangrunaanna kadagiti ubbing. (OIC Rodrigo Sadian, RPN DZRL Batac)
(Source: LGU Laoag City)