Davao del Norte – Nagtambayayong ang probinsyal nga panggamhanan ni Gobernador Kuya Gob Edwin Jubahib, Department of Agriculture XI ug Albano Stocks and Dairy Farm (Maragusan, DavOro) aron palamboon ug mahimong industriya ang Free Range Chicken Farming pinaagi sa “Securing Food Sufficiency Through Industrialization” simposyum Byernes, Septyembre 25.
“To create awareness and consciousness both for the Free Range chicken farmers and the consumers nga naa ta’y produkto nga ing-ani, pwede ma-avail, mapalit. Also ang mga farmers has the opportunity para mapalambo pa ang ilang free range chicken farming… in which ang Department of Agriculture sa ilahang initiative nga i-industrialize kay dako’g ikatabang sa ekonomiya instead nga mag-import pa ‘ta ug mga manok,” pasabot ni Albano Stocks and Dairy Farm owner ug manager Isidro “Toto” Albano.
Dugang sa tag-iya sa Albano Farm nga niadto lang 2016 sila nagsugod sa free range chicken farming ug gusto niyang i-share ang mga “best practices” pinaagi sa simposyum. Ang ilang pagpadako sa manok moabot ug 90 ka adlaw nga motimbang bisan 1 ½ kilo una kini i-harvest. Pulos natural ingredients ug mga sagbot ang gipakaon ug matod ni “Toto” mas ubos ang gastos sa 28-30 ka adlaw nga kasagaran ginabaligyang lechon manok.
Gipasalig sab ni Department of Agriculture XI Regional Director Ricardo Oñate ang ilang suporta.
“Sa pandemic nga nahitabo, nakit-an nato we have to go back to the basic, nakit-an ang agriculture… Ito yung panahon magtinabangay ‘ta. Mas madali ang programa ng probinsya nga food security kung mo-sumpay, mo-complement mi. Partnerships tayo, ang private, LGUs, agencies.”
Kasamtangan, ang probinsyal nga panggamhanan ilawom ni Gobernador Kuya Gob Edwin Jubahib adunay 130-ektaryas Poultry and Livestock Multiplier Farm alang sa pagpadaghan sa manok nga “i-pabuhi” sa mga benepisyaryo.
“Karon naa na ta’y 500 heads of breeders. Gawas sa Free Range sa probinsya nag-create ko ug akoa. Naa ko’y mga 2000 ka breeder karon. Tungod sa pandemic nga daghan ang way trabaho, target nako nga manghatag ug manok. Kung makaya mga 50,000 heads breeders. Mag-produce ko, dayon ang production sa province. Ang akoang ma-produce akong ihatag sa farmer nga naka one-half kilo. Mura na’g “grower.” Pag moabot na ug mga 1 1/2 kilo, i-buyback. So kada bulan naa siya’y income. Mao ni nga program atong gihimo for 2021. Kada pamilya mo-harvest kada bulan, paliton tong manok puliha’g bag-o,” matod ni Kuya Gob nga tungod sa pandemya gipatungha ang KAwsa sa AGrikulturA ug PAnginabuhian sa barangaY (KAAGAPAY) nga nagtutok sa pananom ug gulay ug pamuhi’g manok.
Ilawom sa KAAGAPAY gipatungha sab ang Key to Unlimited Yield and Access (KUYA) Livestock & Poultry Multiplier Farm diha sa matag LGU aron daling modaghan ang manok ug mapa-buhi sa matag pamilya. (DavNor PICKMO-NOYG)