DAVAO CITY — Nakigtambayayong si Vice Mayor Rigo Duterte II sa selebrasyon sa Adlaw sa Barangay 39-D, diin aktibo siyang nakisalamuha sa mga residente ug nagdala og kasadya sa komunidad.
Pinaagi sa programang “Bingo ni Rigo,” daghang mga residente ang nakadawat og mga premyo sama sa mga appliances, nga nakahatag og kalipay sa mga mitambong sa kalihokan.
Sa maong okasyon, nagpasalamat usab ang bise alkalde sa padayon nga suporta sa mga taga-barangay sa pamilyang Duterte ug giawhag ang komunidad nga magpadayon sa pag-ampo alang sa kahimsog ni kanhi Pangulo Rodrigo Duterte.
Si Punong Barangay Gary Bariga mipadayag usab sa iyang pasalamat sa biglaang pagbisita sa bise alkalde, nga iyang giingong usa ka dako nga kadungganan alang sa ilang barangay.
Ang kalihokan nagsilbing simbolo sa panaghiusa, kalipay, ug kooperasyon sa mga residente sa Barangay 39-D.(Camille Santos Naraga)(Source: Contributed)