Himas rehas na ang usa ka lalaking suspek kinsa namusil sa usa ka 16 anyos sa Purok 1 Sasaw, Brgy. Baliok samtang nagsakay og payong-payong.
Giila sa kapulisan ang suspek nga si Ace John Tugahon, 19-anyos ug residente sa Purok 1-B Batolosa, Barangay Bangkas Heights, Toril District.
Base sa imbistigasyon sa Baliok Police PNP, namusil ang suspek ug upat ka mga batan-on asa napuruhan 16-anyos nga si James Lacorte samtang gidala si John Rex Velarde Southern Philippines Medical Center.
Dugang niini, nga niundang lang sa pagpamusil ang suspek sa dihang nikagar ang armas niini nga caliber .45 pistol.
Sa pagsubay sa PNP, nadakpan si Tugahon samtang at-large ang kaubanan niini nailhang si Jabber Radiamoda, 20-anyos.
Kasong Attempted Murder, Frustrated Murder, Murder ug RA 10591 ang atubangon sa dinakpan.
(Camille Santos Naraga)
(Source: PNP)