Davao City – Hugot nga misalig ang Davao City Disaster Risk Reduction and Management Office kun CDRRMO nga makatabang ang SIM Card Registration Law aron nga mukunhod ang mga fake calls sa 911.
Sumala ni Alfredo Baloran, hepe sa Davao CDRRMO, lakip sa ilang ginatun-an karon ang pag-rekomenda sa Davao City Council pinaagi sa Committee on Disaster Response, nga magduso og ordinansa aron masilutan ang bisan kinsang naga-yaga-yaga sa pagtawag sa 911.
Dugang niini, gi-angkon usab sa opisyal nga ang maong lakang, kinahanglan pa og hugot nga pagtuon ingon man mga diskusyon.
Sa karon, ginapaabot pa sa buhatan ang mahimong epekto sa SIM Card Registration Law aron maminusan ang mga prank callers, tungod mamahimo ng i-trace kung kinsa ang mga nagapaluyo niini.(Camille Santos Naraga)
(Source: CDRRMO)