Miapil ang Office of the Vice President sa 2026 Brigada Eskwela nga gipahigayon sa Diosdado P. Macapagal Elementary School sa Tatalon, Quezon City niadtong buntag.
Kauban ang ilang mga kawani, aktibong mitabang ang OVP sa pagpanglimpyo ug paghan-ay sa mga classroom, ingon man sa pagdonar og dugang nga gamit-panlimpyo ug pintura alang sa eskwelahan. Gihatagan usab nila ang paaralan og kopya sa OVP 90th Anniversary Coffee Table Book isip suporta sa edukasyon sa mga estudyante.
Sa maong kalihokan, giawhag usab ang mga ginikanan nga padayon nga suportahan ang pagtuon sa ilang mga anak, samtang gipasiugda ang kahinungdanon sa bayanihan sa pagpalambo sa mga eskwelahan ug komunidad.
Ang programa kabahin sa nationwide Brigada Eskwela initiative sa Department of Education nga nagtumong sa pagpalig-on sa kolaborasyon sa tibuok komunidad alang sa luwas ug andam nga learning environment.(Camille Santos Naraga)(Source: Contributed)