DAVAO CITY – Midahili ang dakong bahin sa bukid sa Palacapao, Quezon, Bukidnon sa gabii sa Oktubre 18, 2025, nga miresulta sa pagkaguba sa Davao–Bukidnon Highway.
Base sa inisyal nga assessment sa DPWH, padayon pa ang pagdahili sa yuta, hinungdan nga delikado pa kini agian sa tanang klase sa sakyanan. Gipahimangnoan ang mga motorista nga mangagi na lang via Kidapawan–Carmen, Cotabato Province ug Talaingod, Davao del Norte samtang nagsige pa og clearing ug monitoring ang mga otoridad.
Sumala sa report, usa ka Bao-bao (three-wheeler), usa ka prime mover truck, ug usa ka pribadong sakyanan ang giingong naapil sa landslide.
Padayon karon ang mga search ug retrieval operation sa lugar samtang gipaninguha sa mga otoridad nga masiguro ang kaluwasan sa mga residente ug biyahedor.(Camille Santos Naraga)(Source: Contributed)