DAVAO CITY — Nasakmit sa mga sakop sa Task Force Davao ang gituohang shabu nga nagkantidad og ₱895,725 gikan sa usa ka 30-anyos nga lalaki nga misulay og pagpalusot niini paingon sa siyudad.
Nahitabò ang insidente alas 7:50 sa gabii niadtong Domingo, Hulyo 6, 2025, sa checkpoint sa Barangay Sirawan.
Gikilala ang suspek nga si alyas Alnor, residente sa Tacurong, Sultan Kudarat.
Sakay siya sa usa ka silver Toyota Hiace van ug sa gihimong inspection, nakuha gikan sa iyang posisyon ang 19 ka sachets sa gituohang shabu nga may gibug-aton nga 119.43 grams.
Ang ilegal nga droga gibanabana nga nagkantidad og ₱895,725.
Gikasohan na ang suspek ug paglapas sa Republic Act 9165 o ang Comprehensive Dangerous Drugs Act of 2002, ug kasamtangang anaas sa kustodiya sa kapulisan. .(Camille Santos Naraga)(Source: Contributed)