Davao del Norte prayoridad ang mga lakang batok COVID-19

Davao del Norte prayoridad ang mga lakang batok COVID-19

by RPN News
121 views

Davao Oriental:       Una gayud sa prayoridad sa Probinsyal nga Panggamhanan sa Davao del Norte ang mga lakang batok COVID-19 hinungdan sa pag-usab niini sa mga plano sa paggamit sa pondo aron mas tutukan ang mga posibleng gasto aron masiguro ang proteksyon ug kaluwasan sa mga katawhan sa hulga sa gideklarang world pandemic.

Gitigum ni Kuya Gov. Edwin I. Jubahib ang tanang department heads ug ubang personahe sa probinsyal nga panggamhanan kagahapon, Marso 23. Gisugyot ni Kuya Gov nga limitahan o ikanselar karong tuiga ang mga trainings, evaluations, mga aktibidades ug uban pang matang sa panagtapok nga nanginahanglan ug dakong pondo.

Ang savings nga makuha sa maong laraw gamiton aron pakusgan pa ang operasyon kontra COVID-19 sama sa pagpatukod ug isolation rooms ug pagpalit ug mga medical equipment, mask, sabon, alcohol, disinfectant ug mga supplies sa nag-unang panginahanglan sama sa bugas ug uban pang mga relief goods nga iapod-apod unya sa tanang nanginahanglan sa probinsya.

Gipakita sa tanang personahe ang ilang dakong suporta sa lakang sa probinsya kay para kanila ang desisyon ni Kuya Gov alang sa kaayohan sa tanan. (PICKMO Mervin Jay Suaybaguio)

0 comment

Related Posts