- Advertisement -
Dinagat Island – Nagmalampusong naabot sa Isla sa Dinagat ang ayuda sa gobyerno alang sa mga maguuma og lubi kinsa naigo sa Bagyong Odette niadtong Disyembre tuig 2021.
Sakay sa BRP Tagbanua (LC 296) ang 40,000 coco seedling nga midunggo sa Port of San Jose Terminal Management Office (TMO) nga maoy ihulip sa mga lubi nga nadaut human gikusokuso sa bagyo ang giingong lugar.
Sumala sa buhatan sa Dinagat Governor, ang 40,000 seedlings mao ang first batch sa gilauman nga kabahin sa 200,000 coco seedlings nga gisaad sa national nga panggamhanan.
Isip suporta sa mga coco farmers, wala gipabayad sa Philippine Ports Authority og port charges ang pagdunggo sa barko. (Camille Santos Naraga)
(Source: Dinagat Islands PIO)
- Advertisement -