DAVAO CITY – Arestado ang 3 ka indibidwal human gikasa sa mga sakop sa PDEA-13 ug kapulisan sa Madrid Municipal Police Station ang drug buybust operation sa Barangay Linibunan, Madrid, Surigao Del Sur.
Giila ang mga dinakpan nga silas Bernil Rosil, Richard Doy ug Charlie Esdicol.
Nakapalit ug usa ka sachet nga adunay sulod sa gituohang shabu ang poseur buyer nga agent sa PDEA ug nakasignit pa gyud kini og laing mga sachets nga adunay gituohang shabu nga mobalor tanan sa 35,000 pesos ingon man ang uban pang drug paraphernalia.
Sa karon, himas rehas ang dinakpan ug mag-atubang sa kasong paglapas sa RA 9165 kun Comprehensive Dangerous Drug Act of 2002. (Camille Santos Naraga)