DAVAO CITY – Gipahigayon karong adlawa, Mayo 28, 2025, ang pormal nga pagbendisyon sa mga bag-ong disaster emergency vehicles ug equipment nga gipalit sa City Government of Davao.
Opisyal nga giturn-over ang 22 ka mga disaster response ug emergency vehicles, lakip ang nagkalain-laing ekipo nga gamiton sa mga kalit nga emerhensiya o kalamidad.
Sa maong gidaghanon, 14 ka mga behikulo ang gipalit pinaagi sa Disaster Risk Reduction and Management Fund, samtang walo niini gikan sa Peace and Order Fund.
Matud pa sa kasamtangang Mayor Sebastian “Baste” Duterte ug sa umaabot nga Mayor Rodrigo Duterte, ang maong inisyatibo usa ka lakang aron masiguro nga luwas ug andam ang mga taga-Davao City sa tanang panahon, ilabi na sa mga kalamidad nga dala sa epekto sa climate change.(Camille Santos Naraga)(Source: Contributed)