Iriga City – Pormal na ngunian na pinag-anunciar ni dating Kongresista Rolando “Nonoy” Andaya na mabuelta sa Segundo distrito si dating kongresista Dato Arroyo, aki ni dating Pres. Gloria Macapagal Arroyo, tanganing liwat na maglaban bilang kongresista sa sinambit ng Distrito.
Iyo ini an pinag-anunciar sa social media kan dating kongresista matapos soboot an halawig na deliberasyon asin negosasyon.
Inot pa kaini, an tulong mag-amigo na kaiba si cong. Arnie Fuentebella kan ika-apat na distrito an nagkaigua nin negosasyon kaiba an mga miembros kan anduyog tanganing kombensiron si dating kongresista dato Arroyo na liwat magbuelta sa CamSur, tanganing kumandidato.
Magigirumduman na an dating kongresista ini nagpahunod sa tugang ni Andaya na si Maribel Eusebio na iyo an nakalaban ni incumbent congressman Lray Villafuerte, alagad na-disqualify kan Comelec huli sa kakulangan nin residency status kan 2013.
Hasta sa sinusurat an baretang ini, dai pa nin opisyal na pahayag hali mismo ki arroyo, alagad inot naman na nagpahayag nin kaandaman si Villafuerte sa sinambit ng bagay.
Sa intrevista, tinaw’an nin duon ni Villafuerte na maski siisay an magsabat sa sainda mayo nin problema, bastang kuwalipikado.
Haloy naman soboot nan aka-andam an mga Villafuerte sa masunod na eleccion kaiba na an saiyang mga aki na sinda Gov. Migz Villafuerte na iyo an masabat sa pagka-kongresista sa Rinconada area, asin si Luigi Villafuerte sa kargong gobernador kan Camarines Sur. (Melvin F. Barayoga, RPN DZKI Iriga OIC)