Dagdag singil sa kuryente nakaamba ngayong buwan

Nakaamba ang dagdag singil sa kuryente ng Meralco ngayong buwan.

Paliwanag ni Meralco Spokesman Joe Zaldarriaga, mawawala na kasi ang trentay otso sentimos kilowatt hour na refund na ipinatupad noong nakaraang buwan dahil sa sobrang nakolektang universal charge-stranded contract costs.

Dahil dito, tinatayang nasa singko sentimos hanggang trenta sentimos kada kilowatt hour ang magiging dagdag sa overall rate.

I-a-anunsyo umano ang pinal na halaga sa Huwebes.