- Advertisement -
Naglunsad ang Department of Health (DOH) ng coronavirus disease 2019 (COVID-19) chatbot na tinatawag na “Katuwang na Impormasyon para sa Responsableng Aksyon (KIRA)”.
Ayon kay Health Undersecretary Maria Rosario Vergeire, isa itong online automated chatbot para sa publiko upang magkaroon ng access sa mga balita na may kaugnayan sa COVID-19.
Aniya, ang paglunsad nito ay isa sa hakbang ng ahensya upang mabawasan ang pagkalat ng pekeng impormasyon hinggil sa COVID-19.
Samantala, nakikipag-ugnayan na sa iba’t ibang telecommunication companies ang Department of Health (DOH) at developers ng KIRA upang magkaroon ng free data access gamit ang Facebook Messenger, Viber, at official Facebook page ng DOH.
- Advertisement -