29.8 C
Manila
Thursday, March 28, 2024

CORONAVIRUS CHECKPOINT IMUNTAR SA ENTRY UG EXIT POINT SA TIBUOK SARANGANI PROVINCE

- Advertisement -

Nagkauyon karon ang Provincial Government sa Sarangani, Sarangani Provincial Police Office ug ang Sarangani Transport Alliance for Reform and True Development nga magbutang og mga Coronavirus Checkpoint sa mga entry ug exit area sa tibuok Sarangani Province aron paspas mahibal-an kung ang gasulod nga mga indibidwal ang gikan sa mga nasud nga naigo sa Coronavirus Disease.

Gibutyag ni Sarangani Provincial Health Officer Doctor Arvin Alejandro nga sa kamanduan ni Governor Steve Chiongbian Solon, sabay kining imuntar sa mga quarantine checkpoint sa African Swine Fever. Buot pasabot, gawas sa African Swine Fever nga ginabantayan sa mga kapulisan kauban ang composite team sa ASF Task Force, apil nga paga-atimanon sa mga myembro sa PNP Sarangani ug sa kasundaluhan ang mga passport ug ID sa mga pasahero nga gaagi.

Katugbang sa kini nga kalihukan ang nag-inusarang provincial transport federation sa Sarangani nga mao ang Sarangani Transport Alliance for Reform and True Development kon STARTED. Sa terminal pa lang una makasakay, sutaon na sa mga driver-operator ang ilang mga pasahero kung adunay gikan sa abroad.

Gibutyag pud ni Lt. Col. Teody Condesa, ang tigpamaba sa PNP Sarangani ubos sa pamunuan ni Provincial Director Col. Lex Ephraim Gurat, nga mubutang matud pa sila og PNP assistance desk sa tanang terminal sa Sarangani aron maoy muhatag og pag-ayuda sa mga pasahero. May mga tarpaulin itakod ang mga kapulisan sa mga checkpoint nga mag-awhag sa mga pasahero ug sa publiko hilabi na ang gikan sa abroad nga mu-kooperar sa paghatag og detalye sa ilang travel history.

Naaprobahan na sa Sarangani Provincial Disaster Risk Reduction and Management Council ug sa Sangguniang Panlalawigan sa pagpanguna nila Governor Solon ug Vice Governor Elmer De Peralta ang One Million ka pesos (P1M) nga pondo aron makapalit og dungag kagamitan sa mga health team sama sa glove, mask, disinfectant, ug uban pang logistical requirement alang sa IEC kon information, education and communication campaign sa mga kabarangayan.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -