Ang buhatan sa Dipolog City Cooperative Development Council kauban sa mga LGU ning syudad sa Dipolog mupahigayon ug usa ka kalihokan karong umaabot nga bulan sa Oktobre ning kasamtangang tuig nga adunay temang “Cooperatives: Stronger Together Today for a Brighter Tomorrow”.
Ang maong kalihokan pangulohan sa Dipolog City Cooperative Development Council ug pagatambongan sa mga dinapit nga opisyales, miyembro sa kooperatiba ug uban pang partisipante gikan sa nagkadaiyang buhatan ning dakbayan sa Dipolog nga ipahigayon karong umaabot Oktobre 1,3,5 ug 25 ning tuig.
Pormal nga buksan ang maong kalihokan sa Oktobre 1, diin adunay ipahigayon nga “Hanging Of Tarpulin, ug sundan kini sa usa ka ” Motorcade” palibot ning syudad sa umaabot nga Oktobre 3, ning tuig.
Ang Mayor ning dakbayan sa Dipolog nga si City Mayor Darel Dexter T. Uy, isip chairman sa kinatibuk-ang nidumala sa Dipolog City Cooperative Development Council (DCCDC), mupaambit sa iyang mensahe, isip pagsaulog sa maong kalihokan nga inabagan sa SP Committee Chairman sa Committee on Cooperatives, sa Sangguniang Panlungsod, ning siyudad nga si Konsehal Maynard R. Baes.
Dugang pa, aduna usab ipahigayon nga usa ka “Gift-giving” ,usa ka programa nga nagsubay sa temang “Maaganang Pamaskong Handog mula sa Kooperatiba” nga ipahinabo sa umaabot Oktobre 25 ning tuiga. (Medalyn U. Borja)
(Source: Dipolog City Government)