Kumpiyansa si House Majority Leader Martin Romualdez na lulusot sa Kamara ang mga tax at economic reform programs ni Pangulong Rodrigo Duterte bago matapos ang taong kasalukuyan.
Ayon kay Romualdez mag-dodoble kayod ang Mababang Kapulungan ng Kongreso upang maipasa ang tax at economic reform measures na naglalayong paunlarin ang ekonomiya ng bansa.
Aniya, ang pagsugpo sa kahirapan ay isa sa mga prayoridad ni Pangulong Duterte sa nalalabi nitong tatlong taon bilang pangulo.
Kaugnay nito, sinabi rin ni Romualdez na kabilang sa mga tax reform na tutukan ng Kamara ang alcohol taxes, property valuation at capital tax income tax.
Samantala, tiniyak naman ni Romualdez na bubusisiin nila ng mabuti ang karagdagang mga buwis at titiyakin nilang hindi ma-aagrabyado ang publiko dito.