30.9 C
Manila
Friday, March 29, 2024

“Compressed School Year” Lauman Sa Mga Kabataan Sa Sarangani Province Gikan Sa Department Of Education

- Advertisement -

Opisyal ng nagsugod ang remote enrolment sa DepEd Sarangani ug sa tibuok Pilipinas gikan atong adlaw nga Lunes, Hunyo 1. Pagpa-enroll kini pinaagi sa Facebook, Messenger o sa celfone, dili na kinahanglan nga muadto pa sa eskwelahan. Mahuman ang enrolment sa Hunyo 30.

Segun ni DepEd Sarangani Schools Division Superintendent Gildo Mosqueda, niaging semana pa sila nanawat og enrolment sa entiro Sarangani Province. Nakapahigayon na matud pa sila og profiling niagi pang mga bulan aron mapangutana kung unsang modality ang pilion sa bata.

Sa school calendar nga giandam sa DepEd National Office basi sa Basic Education Learning Continuity Plan nga gibuhat ni DepEd Secretary Leonor Briones ug gi-uyunan ni Pangulong Rodrigo Duterte, mahimong “compressed school year” ang mahitabo tungod magsugod ang klase sa Agosto 24 ug takda kining matapos sa Abril 30 sunod tuig 2021. Anaa na lang sa walo (8) ka bulan itandi sa naandan nga muabot pa sa napulo (10) ka bulan.

Samtang, tulo (3) ka oras na lang ang gipangayo matag adlaw sa mga estudyante nga magtuon maunsa mang modality nga ilang mapilian. Pilion sa Department of Education ang pinaka-importanteng leksyon nga matun-an sa bata matag semana gitawag nga “most essential learning competencies.”

Karon nga enrolment period, ma-kumpirma na kung unsay final pilion nga modality sa magtutungha, kung haum ba sa iyang sitwasyon ang online schooling gamit ang internet, modular gamit ang printed materials o digital pinaagi sa USB, o dili ba kaha ang pagdungog sa mga lecture pinaagi sa pagpaminaw sa istasyon sa radyo o paglantaw sa telebisyon. Dili na mugawas pa og balay sa iyang pagtuon.

Natigum na ni DepEd 12 Regional Director Allan Farnazo pinaagi sa zoom teleconference ang pito (7) ka mayor sa Sarangani Province kauban si Governor Steve Chiongbian Solon aron ihan-ay ang mga kalihukan sa education system tungod sa Coronavirus pandemic.

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -