Moabot sa 150 ka mga binilanggo sa Cagayan de Oro City Jail ang aduna nay oportunidad sa pagsalmot sa national ug local polls tungod kay opisyal na kini silang narehistro sa Commission on Elections sa nakalabay nga adlaw.
Ang local poll body, mipahigayon sa ilang satellite registration alang sa mga lalaki ug babaye nga napriso o persons deprived of liberty (PPL) sud sa male dormitory sa nasangpit nga detention facility.
Adunay 44 ka mga babaye ug 106 ka mga male inmates ang narehistro atoll sa maong kalihokan.
Sumala pa ni City Comelec Officer Ramil Acol nga ang pagpahigayon sa satellite registration nagtinguha sa pagpaduol sa serbisyo sa Comelec ngadto na sa publiko ug ang paghatag oportunidad sa mga kwalipikadong indibidwal sa pagsalmot sa electoral process sa atong nasud, apil na sa mga piniriso nga wa pa naconvicto.
Sa iyang kabahin, si City Jail Warden Supt. Erwin Kenny Ronquillo midayeg sa Comelec sa paghatag oportunidad sa mga PDLs nga makaapil sa pag-exercise sa ilang katungod ilabi na sa umaabot nga national ug local elections sa Mayo 2019.