CAGAYAN DE ORO CITY- Sa tinguha nga makatanyag sa bag-ong mga pamaagi pagdani sa local ug foreign tourists, ang provincial government pinaagi sa Provincial Tourism Office nagpahigayon sa ikaduha ka tuig nga Climb Camiguin nga kalihokan sugod adtong Sabado, Pebrero 29 ug tapuson karong adlawa, Marso 2. Kini nga aktibidad gihimo tungod kay daghan nang nagka-interest sa mountain climbing sa watersports sa isla ug uban pang mga kalihokan nga ilang gituohan nga makapalig-on sa turismo sa isla.
Alang karong tuiga, ang Climb Camiguin nagfeature sa halapad nilang flora and fauna pinaagi sa special trails paingon sa tugatok sa, Mt. Hibok-hibok. Ikaduha ka tuig na kining gihimo diin 26 ka mga climbers gikan sa lain-laing dapit sa nasud ang miparticipate. Sila nagsubay sa Sitio Itum, Barangay Baylo, Mambajao.
Ang tulo ka oras nga pagkatkat sa bukid naghatag higayon sa mga climbers sa pagsaksi sa tiilan sa Mt. Hibok-hibok’s lowland forest apil na ang nindot nga talan-awon sa maong area nga diin Makita ang kinatibuk-ang view sa isla sa Camiguin.