Nagpagawas ang City ENRO sa ilang accomplishment report atol sa nagmalamposon nga flag raising ceremony diha na sa atubangan sa City Hall ning atong dakbayan sa Surigao sa pag panguna ni Engr. Elmer Tecson.
Sumala pa na niining bulan sa Hunyo 2020 ang ilang tag selebrar ang Environment Month pinaagi na sa pag bitay sa mga streamers, ug ang pagpahigayon sa first and second quarter Solid Waste Management Board Meeting alang na sa update ug sa mga accomplishments labot na sa R.A 9003 ang Ecological Solid Waste Management Act of 2000, ug ang hiniusang tigum sa ilang Technical Working Group ug sa Law Enforcement Team alang na usab sa mga updates sa ordinansa numero 407 series of 2018, ug ang tigum alang na sa Coastal Resource Protection Master Plan ug sa Forest Land Use Plan.
Samtang ila usab gipadayon ang massive information education campaign alang na sa pagpalapad na maprotektahan atong kinaiyahan pinaagi na sa pag sabwag sa kahanginan sa mga nagka lain-laing mga radio stations, ug sa social medya labot na usab sa programang Oplan Kuha Cellophane/Papel.
Dugang pa na sa maong programa, naka likom ang maong buhatan sa 2,504.37 kilograms sa recycled cellophane. Samtang 2,144.72 kilograms an sa papel, 1,202.85 kilograms an sa plastic ug botelya, 380.90 kilograms usab an gikan sa mga de-lata, ug 2,144.45 kilograms usab ang sa mga kartons, ug 1,677.90 usab ka kilograms ang ilang na likom sa used cooking oil gikan na sa bulan sa Enero hangtud na sa bulan sa Mayo ning tuiga.
Ila usab gipatuman ang Executive Order No. 46 series of 2019, ang kamandu-an ngadto na sa mga staff ug sa mga empleyado na ang matag opisina sa pag lain-lain sa mga papel/cellophane ug uban pang mga basura na pwede pang mapahimuslan ug ingon man usab ang pagpatuman sa sa Executive No. 42 series of 2019 ang kamandu-an nga nag kantar sa pagtuman ug pag implementar sa City Ordinance no. 407 series of 2018 ang ordinansa sa pag regulate sa pag baliya sa mga cellophane,plastic bags & polystyrene o styrofoam, food and beverage container ug plastic drinking straw.