Subling nagpahinumdom ang General Santos City Police Office (GSCPO) sa mga residente nga likayan ang pag-post sa social media sa mga “itinerary” karong long weekend sa Semana Santa, aron dili mabiktima sa mga dautang elemento.
Sa giasoy ni GSCPO spokesperson P/Major Rissa Hernaez ang gahulat lamang og oportunidad ang mga sindikato aron maka-biktima og mga inosenting sibilyan.
Matod pa sa opisyal, likayan usab ang pag-post sa Facebook kung asa ang mga lakaw o bakasyon sa pamilya aron dili masalisihan sa mga akyat-bahay o mga kawatan ang panimalay.
“Siyempre ang mga magnanakaw at iba pang masasamang elemento ay naghihintay lamang po ng oportunidad ang mga iyan. Kaya huwag na po nating i-post pa sa social media na kayo ay aalis ng bahay. ‘Ah itong bahay na ito, walang tao’, papasok sila,” ang tipik sa pahinumdom sa opisyal. (John Rey Somido)