Inay i-harass o i-discriminate ang mga contact sa suspected Covid-19 cases, mas maayo nga tabangan na hinuon kini nga mapailawom kini sa home quarantine, panawagan ni acting city Health Officer Dr. Lorraine Nery ngadto sa mga residente sa syudad sa Cagayan de Oro City.
Ang panawagan ni Dr. Nery gihimo tapos nakasinate sa pagpangharass ang usa ka 2nd degree contact sa usa ka confirmed case sa Dabatian St., Barangay Carmen. Ang 2nd Degree contact, lalaki nga higala sa amahan sa 34 anyos nga namatay sa Northern Mindanao Medical Center (NMMC) niadtong adlawng domingo nga positibo sa Covid-19.
Base sa nasinati sa kontak nakahiagom siya sa diskriminasyon. Hinuon sa pagkutlo ning maong balita, nakontak na nila Dr. Nery sa City Health Office ang mga barangay official ug barangay health center aron maplastar na ang himuong home quarantine. Sa dili pa himuon ang home quarantine, gihimo nila una ang risk assessment aron safe kini ug dili maka-infect ug lain, dugang pa ni nery.