CAGAYAN DE ORO CITY- Ang City Health Office (CHO) sa Cagayan de Oro nagpahimutang sa duha ka satellite processing centers aron makaserbisyo sa katawhan nga nanginahanglan mokuha sa medical certificates. Matud pa ni Dr. Lorraine Nery sa CHO nga ang maong satellite offices gipahimutang haduol sa barangay hall sa Lapasan ug sa daycare center sa Barangay Patag. Kini alang na sa mga residente sa una ug ikaduha nga distrito ning syudad aron mapugngan ang pagdasok diha sa CHO alang sa maong katuyuan.
Gidugang pa ni Nery nga ang nahisgutang satellite centers mao usab ang mopreceso sa medical certificates sa mga tawong nakauli sa syudad o kadtong gitawag nga locally stranded individuals.
Sa tinguha pa nga mas sayon ug conveniente, ang CHO nagschedule usab sa online processes niini apil na ang pagkuha sa porma online sa http://bit.ly/MedicalCertificateCHO o mahimo usab sa ilang Facebook page, City Health Office CDO.