Nanawagan si Mayor Oscar Moreno sa kapulisan sa syudad sa Cagayan de Oro nga hugtan ang pagpahigayon sa checkpoints ug sugdan na ang masubsob nga inspection samtang nagsugod na ang preparasyon sa syudad sa pagsaulog sa tinuig nga kapistahan sa dakbayan.
Matud sa Mayor, dili siya motugot nga dili seryosohon ang pagpatuman sa security measures niining pagsugod na sa pagpahigayon sa Higalaay Festival diin siya naghangyo sa katawhan nga sabton ang dyutay inconveniences tungod niining nga lakang. Si Mayor Moreno mikondena usab sa nahitabong pagpang-atake sa Lamitan City sa Basilan.
Tungod sa nahitabo sa maong dapit, nanawagan si Moreno sa katawhan sa syudad ug sa entiro Rehiyon 10 sa pagsuporta sa lakang sa mga police ug peacekeeping forces sa pagpatuman sa seguridad sa tanang higayon.