Segon sa CCPO nga arestado ang usa ka 32 anyos nga lalaki kinsa gi tag isip Top 1 Most Wanted Person sa Dakbayan sa Sugbo human malampuson nga nadakpan pinaagi sa pagsilbi sa warrant of arrest pasado alas 12 sa sayong kabuntagon niadtong Setyembre 20, 2024.
Basi sa imbistigasyon, ang akusado gipasakaan og kasong Rape ubos sa R.A 8353 sa sala sa RTC 7th Judicial Region Branch 5 Cebu City nga giisyu niadtong Agosto 28, 2024 nga walay pyansa nga girekomendar. Naaresto ang akusado sa mga personahe sa Guadalupe Police Station 9, Cebu City Police Office gipanguluhan ni PMAJ MILES B DAMOSLOG.
Kasamtangan nga nakadetained karun sa buhatan sa Guadalupe Police Station 9 ang maong akusado samtang giproseso ang mga dokumento aron pagpresentar ngadto sa nag-isyu nga korte. (Renante Lada and Ting Joe Pepito)
(Source: CCPO)