Gipahigayon kagahapon Enero 19, 2026 ang Sinulog 2026 Awarding Ceremony sa Cebu City Sports Center diin giila ang labing maayong performance sa mga contingents nga miapil sa Ritual Showdown ug Street Dancing competitions, lakip na ang special awards sama sa Best Puppeteer, Best Higantes, ug Best Float.
Sa Ritual Showdown – Sinulog-based Category, nakakuha sa kampeonato ang Tagbilaran City ug nakaangkon og ₱3 milyon nga premyo. Misunod ang Dumanjug sa ikaduhang pwesto ug Carcar City sa ikatulo. Ang Banay Labangon nahimong ika-upat samtang Mandaue City ang ika-lima.
Sa Ritual Showdown – Free Interpretation Category, nagkampeon ang Toledo City ug nakaangkon og ₱3 milyon. Ang Province of Cotabato ang ikaduhang pwesto, Bais City ang ikatulo, samtang Lambo Mabolo ug Tribu Carmenanon ang ika-upat ug ika-lima.
Sa Sinulog Street Dancing Competition, nanguna ang Tribu Masadyaon sa Toledo City ug nidaog og ₱1 milyon. Gisundan kini sa Carcar City, Kalivungan Festival sa Cotabato, Lumad Basakanon, ug Hudyaka sa Bais.
Gihatag usab ang mga special awards, diin nidaog og Best in Costume ug Best Music ang Tribu Masadyaon sa Free Interpretation Category. Ang Banay Labangon ug Tagbilaran City nakadaog usab sa Best in Costume ug Best Music sa Sinulog-based Category.
Ang awarding ceremony gipangunahan ni Mayor Nestor Archival, Vice Mayor Tomas Osmeña, kauban ang mga city councilors ug opisyal sa Sinulog Foundation. Ang kalihokan maoy opisyal nga pagtapos sa Sinulog 2026 nga nagpasidungog sa kultura, pagkamamugnaon, ug debosyon sa mga Pilipino.
Source: Cebu City PIO
I via Renante Socia Lada